VMRO-DPMNE ka reaguar ndaj deklaratës së nënkryetarit të Lidhjes Social-Demokrate të Maqedonisë (LSDM), Zoran Zaev, se  gjate perplasjeve misis opozites dhe qeverise  do te kete edhe te shtena me arme..Edhe pse Zaev ka mohuar ta ketë thënë në kuptimin se opozita do të fillojë së shtëni, duke akuzuar mediat për nxjerrjen e tij nga konteksti, VMRO-DPMNE e ka quajtur të turpshme deklaratën e tij dhe ka akuzuar LSDM-në se po planifikon kaos, dhunë dhe rrahje.

“Ata po kërcënohen me të shtëna zjarri. Në të vërtetë, ditët e fundit pamë më shumë incidente fizike të shkaktuara nga anëtarë të LSDM-së”, thuhet në një komunikatë të VMRO-DPMNE-së.Sipas partisë së kryeministrit, Zaev ka zbuluar planin e dhunës të menduar nga LSDM, kurse sqarimin e tij disa orë pas deklaratës, kjo parti e ka vlerësuar si nënçmues për qytetarët.“VMRO-DPMNE i bën thirrje Zoran Zaevit që në vend se të shërbehet me manipulime të lira, të dalë përpara popullit maqedonas dhe të kërkojë falje. Pas kësaj deklarate të turpshme, ai duhet të japë dorëheqje nga të gjitha funksionet e tij politike”, thonë nga VMRO-DPMNE.