Shefi i ekipit të Beogradit për implementim të Marrëveshjes dhe këshilltari i kryetarit të Serbisë, Marko Gjuric ka deklaruar se propozim plani për zbatimin e Marrëveshjes mund të bëhet vetë sipas asaj që pajtohen të dy palët e nga përfaqësuesi i BE-së pritet që në projektet e saj të mos i jepet përparësi asnjërës mënyrë të interpretimit të Marrëveshjes.Në pyetjen nëse është bërë ndonjë ndryshim në propozimin e marrëveshjes për implementim që ka arritur nga kabineti i shefes së diplomacisë evropiane Catherine Ashton, Gjuric për gazetën "Politika" ka thënë se "janë në dijeni të gjitha palët e përfshira në proces".

Komisionari evropian për zgjerim Stefan Fule ka ftuar politikanët serbë t;i përkushtohen zbatimit të Marrëveshjes së Brukselit që të sigurohen për marrje të datës për fillim negociatash të Serbisë për anëtarësim në BE.

Presidenti i Serbisë, Tomislav Nikolic shpreson se Serbia do të marrë datën për negociata me BE-në, por nuk do të heq dorë nga Kosova. Këto komente, Nikolic i bëri në prag të vizitës në Beograd të ministrit të Jashtme të Gjermanisë, Guido Westervelle.

Të huajt në Kosovë me këmbëngulje po e dënojnë dhe po e poshtërojnë shtetësinë serbe, ka vlerësuar kryetari i republikës Serbe Milorad Dodik.